Në një paraqitje para komisionit të Drejtësisë të Dhomës së Përfaqësuesve të SHBA-së, të drejtuar nga republikanët, populisti britanik, Nigel Farage u deklaroi ligjvënësve amerikanë se Britania e Madhe është shndërruar si Koreja e Veriut në termat e lirisë së fjalës duke kritikuar ashpër rezultatet e qeverisë së Londrës.
Kryetari i ”Reform UK”, që është lider partisë populiste të djathtë dhe që kryeson sondazhet, pavarësisht se ka vetëm katër deputetë, citoi arrestimin e komedianit irlandez Graham Linehan si shembull të “kërcënimit të madh” që Britania e Madhe paraqet për lirinë e shprehjes.
Policia britanike arrestoi të hënën Linehan në aeroportin londinez ”Heathrow” lidhur me postimet e tij në mediat sociale në lidhje me personat transgender.
”Ai u dyshua për nxitje të dhunës sipas Aktit të Rendit Publik. Kjo mund të ndodhë me çdo amerikan, burrë ose grua, që shkon në ‘Heathrow’ dhe ka thënë online gjëra që qeveria dhe policia britanike nuk i pëlqen”, theksoi Farage.
