Një aksident automobilistik është regjistruar mesditën e kësaj të marte, rreth orës 14:00, në fshatin Gimaj të Shkodrës.
Autoritetet policore raportojnë se shtetasi A. B., duke drejtuar automjetin, dyshohet se ka humbur kontrollin, pasi automjeti ka pësuar defekt. Për pasojë automjeti është përmbysur.
Si pasojë e aksidentit, ka mbetur i plagosur pasagjeri në automjet, shtetasi M. N., i cili është transportuae me helikopter në spitalin e Traumës në Tiranë dhe ndodhet në kujdesin e mjekëve.
Policia thotë se grupi hetimor po punon për zbardhjen e rrethanave të aksidentit.
