Anis Mehmeti ka bërë mjaft mirë në Angli këtë javë. Sulmuesi shqiptar shënoi dhe asistoi, ndërsa Bristol City fitoi 4-2 përballë Hull City-t.
Dhe Mehmeti ishte padyshim lojtari i ndeshjes, ndërsa Bristol korri fitore në javën e katërt. Po ashtu në formacionin e javës të Championship, “Sofascore” e ka përfshirë edhe Mehmetin.
Nota 8.3 e vendos atë te një nga lojtarët që bëri më mirë. Ftesa për 24-vjeçarin nga Kombëtarja mungon prej dy vitesh.
Të premten u zyrtarizuan emrat e përzgjedhur nga Silvinjo. Për Mehmetin nuk kishte vend, ndërsa trajneri u shpreh në konferencë se ky nuk është momenti për të rinj.
