Policia italiane ka arrestuar një 19-vjeçar shqiptar, të cilit iu gjetën dy pako kokaine gati për shitje. Adoleshenti u pikas teksa qarkullonte me një makinë me qira. Sjellja e tij dhe nervozizmi e tradhtuan, pasi ngjalli dyshime, duke i bërë oficerët të hetonin më tej.
Një kontroll i mëvonshëm i personit dhe automjetit të tij zbuloi dozat e kokainës (3 gramë) dhe 790 euro në kartëmonedha të vogla, që besohet të jenë të ardhurat nga trafikimi i drogës.
Shqiptari u dërgua në kazermat e Bastia Umbrës, ku u arrestua dhe u mbajt në qelitë e paraburgimit të Kompanisë Assisi. Gjykatësi i Gjykatës së Perugias, pasi e vlerësoi arrestimin, e la për detyrim paraqitjeje, informon media italiane.
19-vjeçari kishte hyrë në Itali me një leje turistike tremujore, që përdoret shpesh nga trafikantët e drogës dhe krerët e grupeve krimoinale, për të rekrutuar ‘kuajt e drogës’.
