Dy të rinj, vëlla e motër janë arrestuar për shpërndarje të lëndëve narkotike në Dimal.
Të arrestuarit janë Françesko dhe Françeska Topi, të dy 21-vjeç, banues në Dimal. Specialistët e Seksionit për Hetimin e Narkotikëve, në bashkëpunim me shërbimet e Forcës Operacionale, finalizuan operacionin pas administrimit të shpejtë të informacioneve operative që lidhnin dy të rinjtë me shitjen e drogave të forta në doza.
Sipas policisë, dy të rinjtë dyshohet se ishin pjesë e një rrjeti shpërndarjeje të kokaine në zonë, ndërsa arrestimi i tyre është pjesë e përpjekjeve për të goditur tregun e drogës në qytet.
Policia bëri me dije se gjatë operacionit janë sekuestruar doza kokaine gati për shitje, një peshore elektronike, shuma parash, një automjet dhe një celular.
