Presidenti amerikan Donald Trump ka deklaruar sot se ka biseduar përsëri me Presidentin rus, Vladimir Putin, duke theksuar se komunikimi mes tyre është gjithmonë “i mirë”. Megjithatë, ai shprehu frustrimin për sulmet e vazhdueshme ruse ndaj Ukrainës.
“Çdo bisedë që kam me të është një bisedë e mirë. Por pastaj, për fat të keq, një bombë bie në Kiev ose diku tjetër, dhe atëherë unë zemërohem shumë për këtë”, tha Trump gjatë një deklarate në Zyrën Ovale.
Presidenti theksoi se samiti i Alaskës e bëri të mendojë se udhëheqësi rus dëshiron një zgjidhje me Ukrainën, por nuk dha detaje për ndonjë takim të mundshëm mes Putinit dhe Presidentit ukrainas Volodymyr Zelensky.
Kur u pyet për arsyen pse Putini ngurron të takohet me Zelenskyn, Trump u përgjigj: “Sepse nuk e pëlqen. Ata nuk e pëlqejnë njëri-tjetrin, me të vërtetë”.
Ai gjithashtu nënvizoi se garancitë e sigurisë për Ukrainën ende diskutohen, duke përmendur rolin e pajisjeve ajrore amerikane dhe pilotëve amerikanë si pjesë të mbështetjes pa dhënë detaje specifike.
