Një 41-vjeçari shqiptar i shpallur në kërkim ndërkombëtar është arrestuar në pikën kufitare në Han të Hotit nga policia malazeze.
41-vjeçari është identifikuar me inicialet S.X.
Sipas mediave malazeze shqiptari ishtë në kërkim nga Belgjika, pasi ndaj tij është lëshuar një urdhërarrest për disa vepra penale ndër të cilat trafik droge dhe pjesë e një organizate kriminale dhe falsifikim dokumentesh.
“Oficerët e policisë nga Stacioni i Policisë Kufitare të Podgoricës kontrolluan në pikën kufitare shoferin SX (41), shtetas të Republikës së Shqipërisë, për të cilin, pas verifikimit të të dhënave përmes të dhënave elektronike, u përcaktua se ai kërkohej nga NCB Interpol Bruksel. Kontrolli konfirmoi se për S.X ishte lëshuar një urdhër arresti ndërkombëtar më 25 prill për disa vepra penale, përkatësisht: trafikim me narkotikë, krijim i një organizate kriminale dhe falsifikim dokumentesh”, njoftoi policia.
