Një ngjarje shqetësuese është regjistruar më 16 gusht në resortin Xoria Deluxe në Antalya të Turqisë, ku dhjetëra pushues mbetën të bllokuar për disa orë brenda një ashensori.
Sipas pamjeve të bëra publike nga një pushues shqiptar, mes personave të bllokuar ka qenë edhe një familje shqiptare. Një prej tyre, në përpjekje për të dalë, ka thyer xhamin e ashensorit dhe është dëgjuar duke thirrur në italisht: “Chiami la polizia” (“Thirrni policinë”), pasi jetonte prej vitesh në Itali.
Pavarësisht se policia turke ishte njoftuar mbi 10 herë, askush nuk shkoi në vendngjarje. Situata u zgjidh vetëm falë ndërhyrjes së personelit të resortit dhe vetë pushuesve.
Denoncimi për JOQ:
“Përshëndetje, këtu në Turqi ka ndodhur një skandal në një resort. Janë bllokuar për orë të tëra në një ashensor. Antalya, Xoria Deluxe.
Një familje ishte shqiptare dhe ai që arriti të thyejë xhamin e ashensorit tha në italisht: “Chiami la polizia”, sepse jetojmë në Itali. Policia atje nuk ekzistonte. Është marrë mbi 10 herë dhe nuk ka ardhur.
Unë jua dërgova juve që të tjerë shqiptarë të mos bien pre e reklamave turke, kaq. Ka ndodhur më datë 16 gusht dhe ka pasur shumë shqiptarë në resort atë ditë.”
