Policia e Vlorës ka vënë nën pranga dy persona dhe ka nisur procedime për tre të tjerë, të dyshuar për vepra të ndryshme penale, përfshirë drogë, armë, thyerje të masave të sigurisë dhe përplasje fizike.
Burime zyrtare bëjnë me dije se Sektori i Antidrogës arrestoi D. L., 41 vjeç, banues në Vlorë, pasi gjatë kontrollit fizik iu gjet dhe iu sekuestrua një sasi lënde narkotike cannabis sativa. Ndërsa në Sarandë u arrestua M. B., 48 vjeç., pasi ishte kapur duke thyer masën e sigurisë “arrest në shtëpi” dhe kundërshtoi punonjësit e policisë gjatë aksionit.
Tre personat e tjerë që janë marrë nën akuzë janë gjithashtu nga Vlorë. T. P., 33 vjeç, u gjet me një armë zjarri automatike të çmontuar dhe në gjendje jo të rregullt teknike gjatë kontrollit të ushtruar nga Forca e Posaçme “Shqiponja” në lagjen “Kushtrimi”.
Po ashtu, G. C., 20 vjeç, dhe A. A., 39 vjeç, dyshohen se gjatë parkimit të automjetit kanë dëmtuar pasqyrën e një automjeti tjetër dhe janë konfliktuar fizikisht me drejtuesin e tij, E. H., 44 vjeç, banues në Tiranë.
