Miku i kryeministrit Edi Rama, Ron Yeffet, ka përfituar monopolin e furnizimit të ushtrisë dhe strukturave të sigurisë me automjete, përmes krijimit të kompanisë së re “Timak Defence”. Shoqëria u themelua më 4 gusht mes kompanisë private “Timak” (me 80% të aksioneve) dhe shoqërisë shtetërore “Kayo” (me 20%).
Vendimet, duket se janë marrë nga Rama që para zgjedhjeve të 11 majit, me synim rritjen e mbështetjes ndërkombëtare.
Në videot e publikuara nga Syri.net, Yeffet shihet i pranishëm në një aktivitet të Edi Ramës në Vlorë, para zgjedhjeve, ndërsa më pas është filmuar duke festuar dhe kërcyer në një lokal në Linzë, vetëm disa orë më vonë. Pamjet tregojnë qartë gëzimin e tij pasi kishte marrë atë që i ishte premtuar.
Ron Yeffet është një emër i njohur në marrëdhëniet e Ramës. Vite më parë, kreu i qeverisë kishte planifikuar t’i jepte atij me koncesion menaxhimin e buxhetit të Shqipërisë.
Gjithashtu, sipas ish-zv/kryeministrit Arben Ahmetaj, në një intervistë për gazetarin Çim Peka, Rama kishte kërkuar që Yeffet të merrte edhe tokën e ambasadës shqiptare në SHBA për të ndërtuar njësi rezidenciale. Ky plan dështoi, pasi u kundërshtua dhe nuk u firmos nga ministri i Jashtëm i kohës.
LEXO EDHE:
