Milani ka përforcuar krahun e djathtë me një talent të ri.
Pas vizitave mjekësore dhe firmosjes së kontratës, klubi kuqezi ka zyrtarizuar transferimin e Zachary Athekame, mbrojtësit të kërkuar me insistim nga trajneri Max Allegri gjatë javëve të fundit.
I lindur në vitin 2004, Athekame vjen te Milani nga Young Boys i Zvicrës për shirën e 10 milionë eurove.
Ai ka nënshkruar një kontratë 5-vjeçare që do të zgjasë deri më 30 qershor 2030 dhe do të mbajë fanellën me numrin 24.
Komunikata zyrtare e Milanit:
“AC Milan njofton se ka transferuar me titull të përhershëm shërbimet sportive të futbollistit Zachary Christopher Athekame nga BSC Young Boys. Mbrojtësi zviceran ka nënshkruar një kontratë me klubin tonë deri më 30 qershor 2030.
Zachary lindi në Vanløse, Danimarkë, më 13 dhjetor 2004 dhe u rrit në akademitë e futbollit zviceran tek Servette dhe Meyrin. Në vitin 2022 u transferua te Neuchâtel Xamax, ku debutoi në futbollin profesionist dhe regjistroi 51 paraqitje dhe 2 gola, para se të bashkohej me Young Boys, ku grumbulloi 47 paraqitje dhe 1 gol.
Athekame, gjithashtu pjesë e Kombëtares zvicerane U-21, do të mbajë fanellën nr. 24 tek Milani.”
