Shkolla ‘Talif Rexhepi’ ku studionte 14-vjeçari Eraldo Xhejo, i cili u u vra pasditen e djeshme në Maliq, ka reaguar me një mesazh të ndjerë për nxënësin e tyre.
Përmes një postimi në ‘Facebook’, shkolla shkruan se nuk humbën vetëm një nxënës por një të ri plot ëndrra dhe mirësjellje.
Në postim theksohet se shkolla nuk do të jetë më njësoj pa të dhe se kujtimet e tij do të mbetën të përjashtme për ta.
“Ti nuk u largove, por u bere engjëlli me i bukur i Parajsës!“, theksohet në postim.
Postimi i shkollës ‘Talif Rexhepi’:
Lamtumire, ylli ynë i ndritur Erald! Sot zemrat tona janë me te renda se kurrë. Humbëm jo thjesht një nxënës, por një djalë te mrekullueshëm, plot ëndrra, buzëqeshje dhe mirësjellje.
Ti ishe shembull i përkushtimit, i dashurisë per dijen dhe i shpirtit te pastër.
Shkolla nuk do te jete me e njëjta pa ty. Banka ku uleshe do te mbetet bosh, por kujtimet tona do te jene gjithmonë plot me dritën qe ti fale.
Fjalët nuk mjafton për te shprehur dhimbjen, por ti do te mbetesh përjetësisht ne zemrat tona.
U prehsh ne paqe! Ti nuk u largove, por u bere engjëlli me i bukur i Parajsës! Ngushëllime familjarëve! Jemi bashkë me ju ne këtë dhimbje të madhe!
Por si ndodhi ngjarja?
Ngjarja tragjike ka ndodhur pasditen e 14 gushtit në ambientet e jashtme të lokalit në fshatin Pirg të Maliqit.
Erald Xhejo 14 vjeç është vrarë nga bashkëmoshatari i tij gjatë një sherri në një lokal.
I mituri nuk ka mundur t’i mbijetojë plagëve të marra nga thika dhe fatkeqësisht ndërroi jetë në spital.
Dy të miturit, autori Enedio Guri dhe viktima Erald Xhejo kanë qenë duke folur fillimisht e më pas kanë nisur të debatojnë, duke vijuar më tej me përdorimin e armëve të ftohta, përkatësisht thikë.
Autori Enedio Guri ende nuk ka dhënë asnjë dëshmi për ngjarjen.
