Liverpool-i nuk po ndalet në këtë merkato verore.
Kampionët e Anglisë janë pranë mbylljes së një tjetër transferimi të rëndësishëm, duke siguruar shërbimet e mbrojtësit të talentuar italian, Giovanni Leoni, nga Parma.
Lajmi është konfirmuar nga Fabrizio Romano dhe “Gazzetta dello Sport”. Leoni, vetëm 18 vjeç (lindur më 21 dhjetor 2006), do t’i bashkohet skuadrës së Arne Slot për një shumë prej 35 milionë eurosh, me mundësi shtese bonusesh.
Me këtë afrimin, shpenzimet fikse të Liverpool-it në këtë merkato kalojnë shifrën e 300 milionë eurove, një rekord absolut për klubin.
Vetëm për transferimet fikse, “The Reds” kanë investuar tashmë 294 milionë euro në emra si: Florian Wirtz (€125 mln), Hugo Ekitiké (€80 mln), Milos Kerkez (€47 mln), Jeremie Frimpong (€40 mln) dhe Ármin Pécsi (€2 mln).
Leoni, i gjatë 1.93 m dhe me peshë 85 kg, ka bërë një sezon të mirë me Parmën në Serinë A, duke regjistruar 17 paraqitje (14 titullar), një gol dhe mbi 1300 minuta në fushë gjatë edicionit 2024/25.
Ai pritet të forcojë qendrën e mbrojtjes së Liverpool-it, ku aktualisht janë Virgil van Dijk, Ibrahima Konaté (në vitin e fundit të kontratës), Joe Gomez dhe Rhys Williams, dy të fundit me hapësira të kufizuara.
Me afrimin e Leonit, Liverpool-i jo vetëm garanton të ardhmen e repartit defensiv, por dërgon një tjetër mesazh të qartë se synon të mbetet në majë të futbollit anglez dhe europian.
