Një aksident auomobilistik është regjistruar pasditen e kësaj të enjte, rreth orës 17:00 në aksin rrugor Maliq – Moglicë, në afërsi të fshatit “Fshat Maliq”.
Autoritetet policore raportojnë se shtetasi A. D., 43 vjeç, duke drejtuar automjetin dyshohet se ka humbur kontrollin mbi drejtimin e makinës dhe për pasojë automjeti ka dalë nga rruga dhe ka përfunduar poshtë një ure.
Si pasojë e aksidentit kanë mbetur të plagosur drejtuesi i automjetit shtetasi A. D., dhe shtetasja J. D., pasagjere në automjet, të cilët janë dërguar me urgjencë në spitalin e Korçës për të marrë ndihmë mjekësore dhe raportohet se ndodhen jashtë rrezikut për jetën.
Policia thotë se grupi hetimor po punon për zbardhjen e rrethanave dhe shkakut të aksidentit.
