Nga Basir Çollaku
Të mbytyr në ujë të djegur në flakë. Zjarret bëhen edhe filma do thoshte Elisa, Avionë kanë gjithandej dhe zjarret nuk po shuhen dërdëllit online syzekuqi Rama. Fshatra po digjen, po humbasin jetë njerëzish. Banorë e të sëmurë marrin arratinë me ilaçe në kurriz. Bagëtinë se ndihmon dot as Bibla e Kurani se njerëzia është shkretuar. Ushtarë e zjarrfikës të dëshpëruar me shkurre nëpër duar përpiqen e digjen. Bëjnë përtej vetvetes. Por dreqësisht Fati dhe Natyra janë shpëtimtarët e vetëm nëse lutjet kthehen në reshje. Kur Gramshi e Delvina po bëhen e gjitha tokë e djegur KM shpall suksesin e dy lindjeve në saj të një plani kombltar. Tani do kontrollojë edhe koqet e burrave ku për të kontrolluar pjellorinë në këtë dynjanë tonë. Të shitofshin orët e malit do thoshte populli moçëm dikur.
Po shteti?!
Vari teneqenë thuaj më mirë. Duket se mot pas moti vota ka qenë zjarrvënlsja më e madhe në Shqipëri!!
Lajthitje mundet dikush të lëçisë këtë saktësim. Jo.
Vota u plaçkit. Në punë pyjor inxhinier, stallier, inspektor u vu vjedhësi. Me premtimin se herën tjetër do shtojë sasinë e votave të vjedhura. Ia kemi dalë të shpëtojmë pyllin orbital 2 milionë pemësh sepse nuk u mboll. Diku shkrepësja vihet për të hapur parcela ndërtimore. Diku për të fshehur një abuzim. Diku një i çmendur. Diku ndihmë dha edhe moti djegës. Si gjithandej mbase por gjithandej fiken flakët.
Ne marrim satelit me qera me kosto të dy avionëve zjarrshues dhe si rezultat kemi foto të shkrumbimit të pyjeve. Ministrat turistë bashkë me shefin e tyre në detyre broçkullisin duke fajësuar natyrën.
Ne heqim qindra inxhinierë e ekspertë mjedisi të cilët dinë si bëhen parandalime për reduktime të dëmeve në raste të tilla. Sepse duhet vend pune për votën e vjedhur. Sepse pyjet mirëmbahen. Nuk kositen për biznese.
Përse nuk e sheh shtetari me urgjencë e të shpallë situatën e Fatkeqësisë natyrore apo Gjendjen e Jashtëzakonshme?!
Po bashkitë që harxhojnë edhe qindarkat e fundit e çojnë institucionet në faliment për të vlerë vota e nuk jep asnjë kokërr leku për pajisjet elementare për mbrojtjen nga zjarri??!
Miliarda euro të vjedhura e abuzuara po të kishin shkuar në investimet e duhura, sot do të kishim infrastrukturë të bollshme për të pakësuar në ekstrem dëmet. Do të kishim të paktën nga një avion për zjarret në çdo bashki. Do të kishim ekipe profesionale me plane konkrete mbrojtje dhe jo zavallë votash nëpër zyra. Por syzekuqi ka halle të tjera me drogën e diktaturën 12 vite as 3.5 milionë euro për një avion?! Harxhoi 500 milionë euro publike vetëm zgjedhjet e 11 majit për vota dhe nuk ndau mënjanë asnjë kacidhe për rrezikun e zjarreve!?! Dha qindra milionë euro leje ndërtimi bandave dhe nuk u kujtua për një kovë uji?! Jo . Vjedh vetëm vjedh vota. Po çtë sëmës të duhen votat tani kur me një turr lesh në mjekër e syze karabushi del online si tutkun duke dhënë leksione turizmi e shembje barakesh me tritol, kur mbetet tym dhe hi në vend të fshatrave?! Natyrisht po të kishim djegur parlamentin dhe KM për mosveprime të pafundme, do të kishim bërë më pak dëm se sa lënia në ferr e Shqipërisë së gjelbër, ku djegësit e dedikuar janë votat, sepse nuk kanë merakun e vendit asnjë sekond E syzekuqi me vasalët e tij të tredhur presin shirat. Nga shiu në breshër. Përmbytjet njëlloj konkurojnë dëmet me flakët në shtetin e syzekuqit…
