Zjarret në Delvinë vijojnë të përpijnë sipërfaqe të tëra me pyje dhe jo vetëm, pasi situata apokaliptike ka bërë pjesë të bilancit të saj dramatik edhe shtëpi të djegura, përfshi edhe një kishë.
U raportua se bilanci paraprak i dëmeve në territorin e bashkisë së Delvinës, ka 3 banesa të djegura në qytetin e Delvinës, 2 banesa të djegura në fshatin Kakodhiq, kisha si dhe 1 banesë në fshatin Lefterhor.
Po ashtu me dhjetëra banorë kanë kërkuar ndihmë në spital nga asfiksimi.
Zjarrfikësit, ushtria dhe emergjencat vijojnë operacionin e tyre nga toka dhe ajri për shuarjen e flakëve masive.
Gjithashtu u bë me dije se zjarret janë riaktivizuar edhe pranë puseve të gazit.
