Në fshatin Kullollas dhe Bletës të Gramshit zjarri ka dalë jashtë kontrollit dhe po djeg shtëpitë.
U raportua se banorët kanë mbetur të bllokuar në fshat, pasi situata është kritike dhe kërkohet ndihmë urgjente nga autoritetet.
Paraprakisht dyshohet për viktima nga zjarri.
Prej tymit nuk lejohet as të shkojnë ambulancat dhe as zjarrfikësit, ndërsa Ministria e Mbrojtjes ka dhënë urdhër evakuimi për banorët e tre fshatrave.
“Është dhënë urdhri për evakuimin e banorëve në tre fshatra të Gramshit: Kullollas, Bletëz dhe Menkollarë, për shkak të dy fronteve të rrezikshme zjarri me të cilat po përballet zona që prej mëngjesit. Në terren janë dislokuar 80 trupa të Forcave të Armatosura në mbështetje të forcave vendore, të cilat po punojnë pa ndërprerje për izolimin e flakëve. Në vijim pritet të nisë mbështetja nga ajri për të frenuar përhapjen e zjarrit.”, njofton ministria.
