Ka marrë përmasa masive edhe zjarri në Tepelenë, duke e bërë situatln kritike.
Mësohet se pas fshatit Lekël, zjarri ka kaluar në zonën e Hormovës. Mësohet se flakët ndodhen shumë pranë fshatit në masivin pyjor, teksa ka nisur edhe evakuimi i banorëve.
Siç shihet edhe në videon e mëposhtme, flakët janë masive sipër fshatit.
Kujtojmë se në fshatin Lekël u dogj kisha ortodokse “Shën Ilia”, e shpallur monument kulture e kategorisë II, e ndërtuar rreth viteve 1800 nga Thanas Vaja, ish sekretari i Ali Pashë Tepelenës.
Po ashtu, zjarri ka djegur edhe disa banesa, disa stane dhe bagëti. Për shkak të flakëve, kanë shpërthuar edhe dy bomba të mbetura në fshat, që nga Lufta e Dytë Botërore.
