Teksa jemi në kulmin e sezonit turistik, Velipoja mbrëmjen e kësaj t marte ndodhet në errësirë për shkak të ndërprerjes së energjisë elektrike.
Sipas raportimeve nga banorët dhe pushuesit, mungesa e energjisë ka nisur që prej orës 19:00 dhe po shkakton shqetësim të madh, veçanërisht për bizneset që funksionojnë gjatë orëve të mbrëmjes.
Aktualisht, nuk dihen ende shkaqet e ndërprerjes, ndërsa OSHEE nuk ka dhënë asnjë njoftim zyrtar për situatën.
Kjo është një situatë e përsëritur në Velipojë, teksa bizneset lokale janë prekur ndjeshëm, pasi mungesa e energjisë po dëmton aktivitetin e tyre në një sezon që pritet të jetë jetik për të ardhurat vjetore.
Edi Rama u hodhi fajin për dështimin e turizmit vetëm bizneset private për rritjen e çmimeve, duke mos përmendur fare mungesën e infrastrukturës, e cila është një ndër arsyet kryesore.
