Situata e zjarreve në Poliçan po rëndohet çdo orë e më shumë. Flakët, të favorizuara nga era e fortë, po përparojnë shpejt drejt qytetit, i cili tashmë është mbuluar nga tym i dendur. Gjatë mbrëmjes, flakët iu afruan edhe spitalit të qytetit, duke rritur shqetësimet.
Për shkak të rrezikut të lartë, janë evakuuar të moshuarit në azilin e pleqve dhe banorët e fshatit Plirez. Zjarri ka përfshirë edhe fshatin Mbrakull, duke alarmuar strukturat vendore dhe duke vënë në gatishmëri të gjitha forcat për parandalimin e përhapjes së mëtejshme.
Shqipëria po përballet prej muajsh me një valë të gjatë zjarresh, të cilat përkeqësohen nga temperaturat e larta dhe mungesa e mjeteve të mjaftueshme zjarrfikëse, duke e bërë kontrollin dhe shuarjen e tyre një sfidë të madhe në shumë zona të vendit.
Përkeqësohet situata nga zjarri në Poliçan, evakuohen të moshuarit në azil dhe banorët e Plirezës
