Sherif Kallaku është afrimi i radhës i Vllaznisë. Klubi shkodran ka gjetur akordin me fantazistin i cili mbylli aventurën e tij në Rumani dhe ishte në kërkim të një destiancioni të ri për karrierën.
Lojtari 27-vjeccar, i cili në të kaluarën ka luajtur në Superiore edhe për Laçin, Teutën, Partizanin e Tiranën, i bashkohet Vllaznisë si lojtar i lirë, duke nënshkruar deri në qershorin 2027 me klubin shkodran.
Ai ka qenë një kërkesë e trajnerit Martini, i cili e njeh mirë për vitet që e ka drejtuar te Teuta.
Njoftimi i Vllaznisë:
KF Vllaznia ka kënaqësinë të njoftojë arritjen e marrëveshjes me futbollistin Sherif Kallaku për të qenë pjesë e skuadrës tonë deri në vitin 2027. Lojtari ndërkohë pasditen e sotme ka zhvilluar edhe seancën e parë stërvitore me ekipin duke u vënë menjëherë në dispozicion të stafit teknik. Mirë se erdhe në familjen kuqeblu Sherif!
