Policia e Tiranës ka identifikuar dhe ka nisur hetimet për 40-vjeçarin Sh.G., i dyshuar si autori i dhunës ndaj personazhit të rrjeteve sociale, Genard Hajdini, dhe babait të tij, Paqësor Hajdini. Ngjarja ndodhi në orët e para të mëngjesit të 3 gushtit, në një lokal në rrugën “Bardhyl”.
Sipas burimeve zyrtare, 40-vjeçari akuzohet për veprën penale “Plagosje e lehtë me dashje”, ndërsa një vajzë 25-vjeçare me inicialet A.P., që ndodhej në shoqërinë e tij në momentin e ngjarjes, po hetohet për “Veprime që pengojnë zbulimin e së vërtetës”, pasi ka dhënë deklarime kontradiktore për të mbrojtur 40-vjeçarin.
Sipas dinamikës së ngjarjes, konflikti ka nisur fillimisht mes agresorit dhe babait të Genardit, i cili më pas ka lajmëruar të birin. Sapo ka mbërritur në lokal, Genardi është goditur me grushte në fytyrë dhe trup. Ai ka shpërndarë një video në rrjetet sociale, ku shfaqet me plagë në fytyrë, duke konfirmuar ngjarjen dhe gjendjen e tij pas dhunës.
Të dy, babë e bir, u dërguan në Spitalin e Traumës dhe morën ndihmën mjekësore.
LEXO EDHE:
