Një skenë e pabesueshme u regjistrua të dielën pasdite në plazhin Sotillo, në zonën Castel de Ferro të Granadës, kur një varkë që mbante rreth 13 refugjatë, që besohet se ishin nga Maroku, iu afrua bregut para syve të habitur të turistëve dhe vendasve.
Incidenti ndodhi rreth orës 14:00 sipas orës lokale, kur një varkë me të rinj u pa duke iu afruar plazhit të mbushur me njerëz. Sipas pamjeve që qarkullojnë në mediat sociale, njerëzit në bord filluan të hidheshin në det dhe të notonin drejt bregut, duke habitur pushuesit.
Menjëherë pas zbritjes, shumica e njerëzve filluan të vraponin për të humbur përmes turmës. Megjithatë, disa vendas i ndoqën, duke arritur t’i ndalonin e t’i mbanin disa derisa mbërritën autoritetet.
Në njërën nga videot, një burrë me rroba banje duket se ka hedhur një burrë në tokë, ndërsa refugjati duket se po i lutet atij ta lërë të shkojë.
Disa nga personat që zbritën nga gomonia arritën të shpëtonin, ndërsa pjesa tjetër u arrestua kur mbërriti Garda Civile Spanjolle. Sipas policisë lokale, u gjetën dhe u arrestuan gjithsej nëntë persona.
Pronari i një restoranti në zonë i përshkroi ngjarjet gazetës lokale Ideal. “Ne ngelëm aty pa kuptuar se çfarë po ndodhte. Mendonim se ishte një varkë argëtimi, por kur filluan të hidhnin objekte në ujë dhe njerëzit filluan të dilnin, kuptuam se nuk ishte normale. Ajo që na habiti më shumë ishte se varka po lëvizte shumë ngadalë, sikur të mos kishin nxitim ose frikë. Ata u ndalën pesë metra larg bregut, në pikën më të ngarkuar në plazh, dhe filluan të hidheshin në ujë një nga një. Të katër personat që mbetën në varkë, disa me kapuçë, u larguan me qetësi”, tha ai.
Migrants attempting to land on a beach in Spain were tackled to the ground by locals and tourists before being taken into custody by police.
Read more here ⬇️https://t.co/LWxUL1olcR pic.twitter.com/vNTXEq9py1
— The Telegraph (@Telegraph) August 5, 2025
