Vlora është përfshirë pasditen e sotme nga një stuhi shiu, duke bërë që pushuesit të braktisin plazhet.
Por ndërkohë, ka mjaftuar vetëm disa minuta shi që vlonjatëve t’u kujtohen “tmerret” e përjetuara tetorin e vitit të kaluar, ku iu përmbytën baneset dhe zonat.
Përmbytje ka patur edhe pasditen e sotme, kryesisht në rrugët e qytetit, duke sjellë vështirësi në qarkullimin e automjeteve dhe të këmbësorëve.
Situata më problematike paraqitet në rrugët “Albano dhe Romina”, në brendësi të lagjes “Pavarësia”, “Skela”, por dhe përgjatë bulevardit kryesore.
Gjithashtu, stuhia e fortë ka rrëzuar edhe disa pemë mbi automjete të parkuara.
