Një ngjarje e rëndë është regjistuar mbrëmjen e sotme në lagjen “Pavarësia” në Vlorë, ku një person është plagosur me thikë.
U raportua se ka patur një konflikt në një berberhane në Vlorë, pas konfliktit me fjalë mes një klienti dhe kursantit në këtë biznes.
Pas fjalëve, klienti ka goditur me thikë kursantin në orarin e tij të punës dhe më pas është larguar.
Ngjarja ka ndodhur rreth orës 19:00, ndërsa i plagosuri, një 25-vjeçar, është transportuar menjëherë në spital për ndihmë mjekësore.
Policia vijon punën për arrestimin e autorit, pasi mësohet se ai është identifikuar.
