Një aksident rrugor është shënuar paraditen e sotme në aksin Milot-Rrëshen të Rrugës së Kombit, ku janë përplasur dy automjete.
Si pasojë e përplasjes, një person ka mbetur i plagosur dhe është transportuar drejt spitalit të Laçit për trajtim të specializuar. Gjendja e tij shëndetësore ende nuk është bërë e ditur.
Ngjarja ka shkaktuar trafik të rënduar në të dy drejtimet e lëvizjes. Policia ndodhet në vendin e ngjarjes dhe ka nisur hetimet për të zbardhur rrethanat dhe shkaqet e aksidentit.
