Një ngjarje e rëndë ka ndodhur paraditen e sotme në plazhin e Qerretit, në Kavajë, ku një grua 69-vjeçare ka humbur jetën sapo ka hyrë në det.
Sipas informacioneve paraprake, ngjarja ka ndodhur rreth orës 10:45, kur shtetasja L. Sh., banuese në Tiranë, dyshohet se ka pësuar arrest kardiak në momentin që ka hyrë në ujë.
Pavarësisht përpjekjeve për ndihmë, ajo ka ndërruar jetë në vendngjarje.
Grupi hetimor ndodhet në vendin e ngjarjes dhe vijon punën për të dokumentuar plotësisht rrethanat dhe shkakun e vdekjes së 69-vjeçares.
