Një 18-vjeçar është arrestuar në Durrës në kuadër të operacionit policor të koduar “Zona”.
Klajdi Koçi u kap në lagjen nr. 13, Plazh duke drejtuar një automjet pa leje drejtimi. Gjatë kontrollit të ushtruar në automjet, shërbimet e Policisë gjetën dhe sekuestruan dhjetëra doza me lëndë narkotike të dyshuar cannabis sativa dhe qese farmaceutike, të dyshuara për paketimin e lëndës narkotike.
Ai akuzohet për veprat penale “Prodhimi dhe shitja e lëndëve narkotike”, dhe “Drejtimi i automjetit në mënyrë të parregullt”.
