Një 39-vjeçar nga Librazhdi është arrestuar nga Policia e Vlorës pasi shkaktoi një aksident tragjik në aksin rrugor Palasë–Dhërmi, ku humbi jetën një fëmijë 9-vjeç dhe u plagos një 20-vjeçar.
Ngjarja ndodhi mbrëmjen e së enjtes, kur i arrestuari, duke drejtuar automjetin në gjendje të dehur, dyshohet se humbi kontrollin e mjetit dhe u përplas me bordurën anësore të rrugës.
Si pasojë e përplasjes, i mituri, pasagjer në automjet, ndërroi jetë në vendngjarje. Ndërkohë, pasagjeri tjetër, një 20-vjeçar, është dërguar në Spitalin e Traumës në Tiranë, ku ndodhet nën kujdesin e mjekëve.
