Ardon Jashari është rikthyer të stërvitet, edhe pse veçmas, me Club Brugge, por vazhdon të shtyjë për një largim në merkaton e kësaj vere. Megjithatë, pa një përpjekje të re ekonomike nga Milani, gjithçka mbetet e bllokuar.
Edhe pse është arritur marrëveshja me lojtarin, klubi kuqezi nuk ka ndërmend ta ndryshojë ofertën e tij. Ditët kalojnë dhe Massimiliano Allegri pret përforcime. Pikërisht për këtë arsye, Igli Tare ka nisur të shqyrtojë alternativa për mesfushorin shqiptaro-zviceran.
Sipas “Tuttosport”, emri që e tërheq më shumë vëmendjen aktualisht është ai i Tyler Adams nga Bournemouth. Një mesfushor-mbrojtës i besueshëm, që mund të luajë edhe si “mezzala”. Ai është tashmë titullar i padiskutueshëm në kombëtaren e SHBA-ve. Vlera e tij është e ngjashme me atë të Jasharit dhe Javi Guerra (i ndjekur nga Manchester United); mes 25 dhe 30 milionë eurove.
Sa i përket krahut të djathtë, Milani po shqyrton dy opsione: Guela Doué, për të cilin Strasburgu po reziston fort, dhe Wilfried Singo, një emër që po fiton gjithnjë e më shumë terren. Në të majtë, ndërkohë, ka ardhur tashmë zyrtarisht Pervis Estupiñán.
Në dalje nag Milani? Emerson Royal, i cili pas mbrëmjes së mërkurë nuk do të kalojë më te Besiktas, por është afër Flamengos. Al-Ittihad ka shprehur interes për Ismael Bennacer, ndërsa Yacine Adli pëlqehet nga Sassuolo dhe Torino. Milani po punon edhe për të reduktuar numrin e lojtarëve në skuadër.
