Gazetari Bledian Koka deklaroi se në Shqipëri bandat dhe shteti bashkëqeverisin vendit, ku sipas tij, në një vend normal ato luftojnë me njëra-tjetrën.
Sipas Kokës, kryeministri Edi Rama shpërblen me leje ndërtimi trafikantët e drogës.
“Problemi kryesor tashmë është që vjedhim Shqipërinë, për të blerë votat dhe blejnë votat për të vazhduar të grabisin Shqipërinë. Besoj se sot denoncimi i opozitës për atë farsë zgjedhore dhe që e njeh si të tillë, ka kaluar në një fazë shumë serioze. Denoncimi sot i Berishës, ka qenë ndër më të fortat që ka bërë në 20 vitet e fundit. Nuk kam parë një denoncim më të strukturuar dhe më të përgatitur me emra, mbiemra me kompani. Kushdo që ka ndjekur sot z.Berishën, në një vend normal ajo duhet të konsiderohej një dosje model. Sot po të kishte një organ akuze do ti thoshte z.Berishës do duhej ta administronte si provë.
Sepse kur Berisha flet për Altin Hajrin, që është një denoncim që është bërë edhe përpara zgjedhjeve, por që sot është konfirmuar që zotëria e ka marrë atë. Këtu sot kemi të bëjmë me një çmenduri të madhe, këtu kemi një kryeministër i cili asgjëson njerëz dhe i tret ata në pronën e vetë. Pra këtu kemi një kryeministër që ata që vrasin dhe pastrojnë paratë e drogës i merr i shpërblen me lejë. Kontrubit që këta njerëz japin tek kryeministri është ai elektoral. Ata dhanë kontributin aty ku duhet të jepej sidomos me këta deputetët e famshëm si në rastin e Durrësit. Nëse në vende të tjera shteti dhe bandat janë rivalë. Këtu ndodh e kundërta ata bashkëqeverisin.” tha Koka per SYRI TV.
