Dy raste të kultivimit të bimëve narkotike të kanabisit janë goditur nga policia në Krujë, ku janë arrestuar edhe kultivuesit.
Në pranga ra Xhemal Ivani, 67 vjeç, pasi kishte kultivuar kanabis në fshatin Krastë.
Ndërsa në fshatin Brret u arrestua në flagrancë Ali Kulla, 62 vjeç.
“Në vijim të kontrolleve sistematike dhe atyre të bazuara te informacionet e siguruara në rrugë operative, që po kryhen me objektiv konstatimin e rasteve të kultivimit të bimëve narkotike, shërbimet e Komisariatit të Policisë Krujë goditën 2 raste të tjera në këtë fushë. Konkretisht:
-u arrestua në flagrancë shtetasi Xh. I., 67 vjeç, pasi kishte kultivuar në fshatin Krastë, bimë narkotike;
-u arrestua në flagrancë A. K., 62 vjeç, pasi kishte kultivuar në fshatin Brret, bimë narkotike.
Një pjesë e vogël e bimëve u sekuestrua me cilësinë e provës materiale, ndërsa pjesa tjetër u asgjësua nëpërmjet djegies.
Kontrollet kundër kësaj veprimtarie kriminale, vijojnë”, thuhet në njoftimin e policisë.
Materialet procedurale iu referuan Prokurorisë së Tiranës, për veprime të mëtejshme.
