Një 38-vjeçar është arrestuar nga policia e Cërrikut, pasi akuzohet se ka ushtruar dhunë ndaj bashkëshortes në sy të fëmijëve të tij.
U raportua se Marsid Musta rreth mesnatës pas një debati me të shoqen, ka ushtruar ndaj saj dhunë psikologjike për disa orë, si edhe e ka kërcënuar dhe fyer.
Më pas, ai e ka dhunuar fizikisht për disa minuta. Megjithë ndërhyrjen e fëmijëve të mitur, dhuna ndaj 29-vjeçares nuk është ndalur.
Ajo ka mundur të shpëtojë nga duart e tij dhe ka shkuar komisariatin e policisë së Cërriut rreth orës 02:25 ku ka bërë denoncim për ngjarjen.
Policia menjëherë ka bërë shoqërimin e bashkëshortit të saj, ndërsa për 29-vjeçaren është lëshuar urdhër mbrojtje.
