“Telenovelës” për të ardhmen e Viktor Gyokeres duket se i ka ardhur fundi. Arsenali ka mbyllur akordin, për transferimin e sulmuesit suedez, pas shumë tratativave me Sporting Lisbona.
“Topçinjtë” do të paguajnë në arkat e portugezëve 63.5 milionë euro, plus 10 milionë euro të tjera, në formë bonusesh.
Arsenali siguron golat për sezonin e ri, kjo referuar shifrave mbresëlënëse të lojtarit në dy sezonet e fundit.
Në 102 ndeshje të luajtura me fanellën e Sporting Lisbona, Gyokeres shënoi plot 97 gola, duke u konfirmuar si një makineri e pandalshme.
Arsenali ishte zgjedhja e vetme e Gyökeres, pavarësisht interesit të Manchester United dhe ish-trajnerit të tij, Ruben Amorim.
