Klubi i Crvena Zvezdës ka bërë zyrtar një nga transferimet më të bujshme të viteve të fundit, teksa ka bërë të ditur se ka nënshkruar me sulmuesin austriak, Marko Arnautoviç.
Sulmuesi i cili mbylli karrierën me Interin gjatë kësaj vere dhe ishte lojtar i lirë, ka firmosur për dy vite me skuadrën serbe, duke u bërë pjesë e ekipit që luan në kualifikueset e Ligës së Kampioneve e ka si synim padyshim kalimin në fazën në grupe.
Arnautoviç vjen te ekipi serb me një eksperiencë të jashtëzakonshme në arenën ndërkombëtare, pasi ka luajtur me klube si Verder Bremen, Stouk, Uest Hem e Bolonja, përtej dy etapave te Interi.
Sulmuesi, i cili te zikaltrit ishte një nga miqtë më të afërt të Kristjan Asllanit, është njëkohësisht edhe sulmuesi kryesor i përfaqësueses së Austrisë, me të cilën ka shënuar 41 gola në 125 ndeshje.
