Zhurma e fadromave që punojnë çdo nat për ndërtimin e kullave në Tiranë lënë qytetarët pa gjumë, madje kjo gjë ndodh edhe në mes të kryeqytetit.
Më konkretisht bëhet fjalë në zonën midis “Pazarit të Ri” dhe “9-katësheve”, në rrugën “Luigj Gurakuqi”, ku kompania “Bregu sh.a.” ka marrë leje për të ndërtuar një kullë me 27 kate mbi tokë dhe 4 nëntokë. Leja është miratuar nga Këshilli Kombëtar i Territorit, i drejtuar nga Edi Rama, në Prill të vitit 2023.
E teksa është në fazat e para të ndërtimit, më konkretisht në hapjen e gropës, kjo kompani po le qyterët e kësaj zone, por edhe turistët e pranishlm, çdo natë pa gjumë.
Fadromat dhe kamionët e kompanisë “Bregu sh.a.” punojnë deri në orët e para të mëngjesit, duke shpërfillur çdo orar dhe duke u bërë një shqetësim i përnatshëm për qytetarët.
Këta të fundit thonë për mediat se janë ankuar disa herë, si tek kompania, po ashtu edhe tek Policia, por askush nuk ka marrë masa, ku duket se kompania “Bregu sh.a.” është mbi ligjin dhe institucionet nuk veprojnë ndaj saj.
Pamjet e mëposhtme janë filmuar mesnatën e kaluar, rreth orës 00:30, ku dëgjiohen zhurma të tmerrshme, ndërkohë që në çdo krah të rrethimit ku po ndërtohet kulla e “Bregu sh.a.”, ka pallate të banuar nga qytetarët.
View this post on Instagram
