Në pikën kufitare të Qafë Botës, udhëtarët po përballen me pritje të gjata për shkak të ngadalësisë së përpunimit nga pala greke në doganën e Mavromatit.
Ndërkohë që autoritetet shqiptare në Qafë Botë po operojnë me tre sportele në dalje dhe përpunimi i mjeteve kryhet brenda pesë minutash, pala greke po shfaq vonesa të mëdha, deri në një orë për çdo mjet, duke shkaktuar radhë të gjata dhe pritje që shkojnë deri në tre orë.
Qytetarët janë të irrituar dhe të lodhur nga vonesat, ndërsa temperaturat e larta të muajit korrik e bëjnë pritjen edhe më të vështirë. Kjo situatë përsëritet prej disa ditësh, pa ndonjë ndërhyrje apo reagim konkret nga pala greke për të përshpejtuar procesin.
