Duke sfiduar skeptikët në dy vite deklaratë Kryeminisitri Edi Rama reklamoi satelitët Albania 1 dhe 2, si syrin që në kohë reale do të shihte gjithçka. Po ashtu sipas Ramës në qiell do të ishte kryeinspektori që as do korruptohej dhe as do toleronte abuzimet në territor. Ndërsa dy vite pas lançimit në hapësirë, këta satelitë thuajse janë inekzistent.
Katër vite më parë në një takim me efektivët e policisë Edi Rama, satelitët Albania 1 dhe Albania 2 do t’i’ cilësonte si syri që nuk ka kushërinj dhe nuk mund të mbyllej me para korrupsion.
Gjithçka u bë zyrtare dhe më 3 Janar 2023, pra tashmë prej dy vitesh këto satelit ndodhen në hapësirë dhe u promovuan gjatë nisjes edhe në kanalin zyrtarë të kryeministrit Rama.
Por nga ajo ditë e deri më sot, kontrolli i territorit duket se nuk po funksionon me satelitët që nuk dihet se çfarë fati patën.
Për të hequr ndërtimet pa leje dhe kontrolluar territorin, shteti në vend të satelitëve u detyrua të rikthej në rrugë policët dhe inspektorët që shpesh po nga politika akuzohen si personat përgjegjës që e lejojnë abuzimin në terren./MCN
