Ish-lojtari i Philadelphia Eagles dhe kampioni i Super Bowl, Bryan Braman, ka ndërruar jetë në moshën 38-vjeçare.
Lajmin e trishtë e ka konfirmuar agjenti i tij, duke bërë të ditur se Braman u nda nga jeta ditën e enjte. Ish-futbollisti, i cili ka luajtur edhe për Houston Texans, lë pas dy vajzat e tij, Blakely dhe Marlowe, përkatësisht 11 dhe 8 vjeç.
Në një deklaratë të mëparshme, Braman kishte thënë: “Shtatë sezonet në NFL, fitorja në Super Bowl dhe vajzat e mia janë tre arritjet më të mëdha të jetës sime”.
Sipas një faqeje GoFundMe të hapur për të ndihmuar Bramanin me shpenzimet mjekësore, ai ishte diagnostikuar me kancer në shkurt të këtij viti.
Faqja kishte arritur të mblidhte 88 mijë dollarë, ndërsa shumë ish-bashkëlojtarë kishin dhuruar, përfshirë edhe yllin e NFL, JJ Watt, i cili kontribuoi me 10 mijë dollarë.
