Pas humbjes 1-0 në ndeshjen e parë, Vllaznia triumfon 2-4 ndaj Daugavpils në Riga në aktin e kthimit, duke u kualifikuar në turin e dytë të Konferencë Ligë.
Shkodranët e nisën ndeshjen me shumë dëshirë dhe kaluan në epërsi me Mensah në minutën e 22-të.
Gjithsesi, vendasit nga Letonia reaguan dhe përmbysën llogaritë brenda fraksionit. Uilliams barazoi shifrat, ndërsa Dialo dërgoi në festë tifozërinë.
Një e majtë e Jagos në të 46-tën riktheu shpresën e Vllaznisë.
Në pjesën e dytë të besuarit e Edi Martinit u vendosën në kërkim të golit dhe e gjetën atë çerek ore para fundit me Kevin Dodaj. Një pasim nga e djathta bën që topi të mbetet në zonë ku 19-vjeçari nuk gaboi duke shënuar me një goditje të saktë.
Goli i kualifikimit për Vllazninë erdhi në fund dhe mban firmën e Esat Malës në minutën e 87-të. Dodaj bën gjithçka në të majtën, pason për Malën i cili nuk gabon dhe shënoi golin e katërt.
Për tu theksuar është fakti që Daugavpils shënoi golin e tretë në minutën e 95-të çka do ta çonte ndeshjen në shtesë, por gjithçka u anullua për faull ndaj portierit Qarri.
