Kolegji Zgjedhor ka rrëzuar kërkesën e kandidatit të PD-së, Aulon Kalaja, i cili kërkonte rinumërim të plotë në Qarkun e Durrësit.
Trupa gjykuese nuk e ka pranuar kërkesën e tij, teksa më herët Aulon Kalaja ishte “rrëzuar” nga KQZ dhe nga KAS.
Në Qarkun e Durrësit u bë rinumërim i pjesshëm i votave të zgjedhjeve të 11 Majit, ku rezultoi me tjetërsim të votave mes kandidatëve, por me diferenca të vogla.
Aulon Kalaja pretendon se nëse do të ketë rinumërim të plotë në këtë qark, ai mund të fitojë mandatin e deputetit. Në zgjedhjet e 11 Majit, Aulon Kalaja arriti të merrte 8 120 vota prefernciale në total. Mandatin e vetëm nga lista e hapur e PD-së e mori Arian Ndoja, i cili kishte 9 167 vota preferenciale.
