Lamine Yamal është numri 10 i ri i Barcelonës. Klubi katalanas sot ka bërë zyrtar një vendim që ishte marrë prej kohësh me sulmuesin spanjoll.
Me një konferencë për mediat, klubi sot zhvilloi edhe ceremoninë e dorëzimit të kësaj fanelle për Yamal, fanellë të cilën e “mbante peng” miku i tij Ansu Fati, i larguar së fundmi në huazim drejt Monakos.
Kësisoj, ai ka marrë fanellën legjendare që e kanë mbajtur disa nga emrat më të mëdhenj që kanë kaluar në historinë e këtij klubi si Maradona, Ronaldinho apo Messi, duke qenë që tashmë i destinuar për të ndjekur gjurmët e tyre.
