Policia Rrugore duket se ka “rënduar dorën” me gjoba ndaj drejtuesve të automjeteve gjatë kësaj jave, ku ka vendosur mbi 3 mijë masa administrative.
Për të evidentuar sjelljet e rrezikshme dhe shpejtësinë, “Rrugorja” ka përdorur dy dronë dhe tre radarë Poliscan.
Përmes një komunikate për mediat, Policia Rrugore bën me dije se ka vendosur më konkretisht këto gjoba:
- 765 masa administrative për parakalime të gabuara;
- 423 masa administrative për tejkalim të shpejtësisë, me sanksion pezullimin e lejes së drejtimit dhe zbritje të pikëve të lejes së drejtimit;
- 876 masa administrative për mosvendosje të rripit të sigurimit;
- 1 121 masa administrative për përdorim të celularit gjatë drejtimit të mjetit;
- 128 masa për drejtim të mjetit, në efektin e alkoolit.
