Dëshira e Cristiano Ronaldos është urdhër te Al Nassr. Dhe këtë radhë, dëshira e yllit portugez ishte që në këtë sezon të drejtohej nga një bashkëkombës i tij, pas dështimeve të njëpasnjëshme me emra të njohur në pankinë ku i fundit ishte Stefano Pioli.
Jorge Jesus është prezantuar sot si trajneri i ri i Al Nassr, me teknikun e njohur portugez i cili ka firmosur një kontratë njëvjeçare në drejtimin e klubit saudit.
Ai ka qenë një kërkesë specifike e Ronaldos, diçka që e pranoi edhe vetë trajneri në prezantimin e tij.
“Pa Cristiano Ronaldon, sigurisht që nuk do të isha këtu. Motivimi është i lartë. Al Nassr duhet të fitojë tituj, ashtu si Cristiano Ronaldo, i cili gjithmonë ka fituar gjithçka në klubet për të cilat ka luajtur.
Ai nuk ka fituar praktikisht asgjë në këtë ndeshje ende, kështu që do të shoh nëse mund ta ndihmoj. Ne flasim të njëjtën gjuhë, kështu që do të jetë e lehtë. Ne jemi portugezë,” – tha ia ndër të tjera.
Jesus do të ketë si detyrë të kthejë skuadrën te trofetë dhe sukseset, ashtu siç bëri në vitet e fundit në drejtimin e Al Hilal me të cilin fitoi gjithçka dy sezone më parë në futbollin saudit.
Ai u largua nga Al Hilal në fundin e sezonit për t’i bërë vend Simone Inzagit, por nuk ka vonuar të gjejë këtë marrëveshje të re me Al Nasr, falë ndërhyrjes së Ronaldos, të cilin ai do ta drejtojë për herë të parë në karrierë.
