Në ditët e nxehta të verës, zemra punon më shumë, duke rritur rrezikun për infarkte dhe probleme të tjera kardiovaskulare.
Kardiologun Aurel Demiraj tha se rritja e temperaturave shton problemet kardiovaskulare, pasi me të nxehurin organizmi përpiqet të adaptohet duke shtuar punën në muskujt kardiakë dhe kështu rritet probabiliteti i pacientëve me probleme.
Mjeku tha se aspirina e zemrës është e rekomanduar për personat me këto probleme, pasi ajo ndihmon, por nuk është hero. Sa i përket sëmundjeve të zemrës tek të rinjtë dhe si ndikon aktiviteti sportiv, ai tha se sporti, përveç efekteve pozitive, nuk ka asnjë efekt negativ për sportistët, dhe shifrat e sportistëve me probleme janë të njëjta në të gjitha periudhat.
Ai theksoi se sporti është vetëm ndihmues për këto sëmundje.
“Nëse kthehemi pas në kohë, sportistë që humbnin jetën në fushë ka pasur. A ka më shumë? Jo. Moshat e reja nuk bëjnë sëmundje kardiovaskulare thjesht sepse kanë ndryshuar vitet, apo nuk bëjnë më shumë sëmundje kardiovaskulare në 2025 sesa më parë – përqindja është e njëjtë. Por, çfarë duhet të themi prindërve: nëse dikush merret me sport në mënyrë korrekte, probabiliteti për të pasur problem kardiovaskular është zero. Nuk është sporti që shkakton, por është e kundërta. Sporti i parandalon këto sëmundje dhe duhet të rikujtojmë gjërat bazike që njerëzit i harrojnë: duhanpirja, përdorimi i alkoolit, dieta dhe të gjitha këto shtojnë rrezikun nga sëmundjet kardiovaskulare. Prandaj, stili korrekt i jetesës është efikas në parandalimin e këtyre sëmundjeve”, tha mjeku gjate intervistes ne Euronews Albania.
