Një 64-vjeçar është arrestuar në Vlorë pas një konflikti ku ka goditur me mjet prerës një burrë 56-vjeçar. Ngjarja ndodhi më 11 korrik rreth orës 23:30 në lagjen “Uji i Ftohtë”, pranë vendit të quajtur “Rrapi”.
Policia njofton se shtetasi Besnik Gjondeda, banues në këtë lagje, u arrestua për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”.
I plagosuri, shtetasi G. V., ndodhet nën kujdesin e mjekëve në Spitalin Rajonal të Vlorës dhe gjendet jashtë rrezikut për jetën.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Vlorë për veprime të mëtejshme.
“Ky shtetas më datë 11.07.2025, rreth orës 23:30, në një lokal pranë vendit të quajtur “Rrapi”, në lagjen “Uji i Ftohtë”, gjatë një konflikti për motive të dobëta, ka goditur me mjet prerës, në pjesën anësore të kraharorit, shtetasin G. V., 56 vjeç, i cili ndodhet nën kujdesin e mjekëve në Spitalin Rajonal Vlorë, jashtë rrezikut për jetën.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.“, njofton policia.
