Ilir Proda ka vijuar me emërimin e të tjerë në rangun e drejtuesve të komisariateve në vend, ku ndryshimet e fundit i përkasin Kuçovës, Mallakstrës dhe Vlorës.
Më konkretisht, drejtuese e komisariatit të Policisë së Kuçovës është emëruar Edjona Dano. Së fundmi Dano mbante detyrën e Shefes së Seksionit për Parandalimin e Dhunës në Familje dhe Mbrojtjes së të Miturve, në Policinë e Tiranës. Ndërsa më herët ka mbajtur detyrën e Shefit të Seksionit për Hetimin e Krimeve në Komisariatin e Policisë nr. 6 Tiranë. Dano ishte e vetmja grua që garoi për shef komisariati dhe u shpall në listën fituese
Ndërkohë, ish-shefi i komisariatit të Kuçovës, Kleant Serdari është emëruar shef i Komisariatit të Policisë Mallakastër.
Bledar Metaj, i cili ishte shef i komisariat të Mallakastrës ka kaluar në pozicionin e Shefit të Sektorit të Policisë Rrugore në Drejtorinë e Vlorës.
Ndërkohë, zv/drejtor për krimet në Policinë e Elbasanit është emëruar Krenar Guçe. Fotoja e këtij të fundit u gjet në telefonin e vrasësit me pagesë Nuredin Dumani, i cili dëshmoi se kishte marrë porosi ta eliminonte për llogari të Erjon Alibejt.
Mes të tjerash janë firmosur edhe 7 ndryshime të tjera.
- Florian Dano emërohet shef në komisariatin e Policisë Kufitare Dibër.
- Elvid Shehu emërohet shef në Komisariatin e Policisë Kufitare Sarandë.
- Ferit Merkaj emërohet shef në Komisariatin e Policisë Himarë.
- Kliton Zharri emërohet shef në Komisariatin e Policisë Cërrik.
- Ajet Bega emërohet shef në Komisariatin e Policisë Kurbin.
- Leonard Ndreka emërohet shef në Komisariatin e Policisë Gramsh.
- Gentian Dedej emërohet shef në Komisariatin e Policisë Pogradec.
Ndërkohë, ditën e djeshme Ilir Proda firmosi edhe emërimet e mëposhtme:
- Idriz Daulle, nga zvdr. i rendit në DVP Tiranë emërohet Shef i Komisariatit të Policisë nr. 5, Tiranë.
- Besmir Qebini, nga Shef Komisariati i Policisë nr 5 emërohet Shef i Komisariatit të Policisë Kukës.
- Bekim Lika, nga Shef i Komisariatit të Policisë Kukës, emërohet Shef i Komisariatit të Policisë Shkodër.
- Ermal Kenaçi emërohet Shef i Komisariatit të Policisë nr. 2, Tiranë.
- Feliks Hoda emërohet Shef i Komisariatit të Policisë nr. 4, Tiranë.
- Ervis Gjoshi, nga Shef i Komisariatit të Policisë nr. 4, emërohet Zëvendësdrejtor për Rendin në Drejtorinë Vendore të Policisë Tiranë.
- Robert Losha emërohet Shef i Komisariatit të Policisë nr. 7, Tiranë.
- Elton Shahini emërohet Shef i Komisariatit të Policisë nr. 1, Tiranë.
