Një zjarr i përmasave të mëdha ka përfshirë një sipërfaqe me ullinj dhe vreshtari në Fierzë të Belshit, ku deri më tani ka shkrumbuar rreth 15 hektarë, pasi flakët janë përhapur dhe te bimësia e egër.
Mësohet se zjarri ka rrezikuar seriozisht edhe disa banesa, por ndërhyrja e zjarrfikësve ka vënë flakët nën kontroll pas më shumë se tre orësh përpjekjesh.
Zjarri i shfaqur në Fierzë të Belshit u favorizua edhe nga era dhe u përhap me shpejtësi duke shkaktuar dëme të tjera në pemëtari, vreshta, shkurre dhe lloje të ndryshme bimësie.
Ndërkohë, policia e qarkut ka nisur hetimet për të zbardhur shkaqet e zjarrit duke verifikuar nëse bëhet fjalë për një rast aksidental apo të qëllimshëm.
