Duke qenë se portugezi i PSG-së, Vitinha, është i paarrtishëm, Xabi Alonso ka hedhur sytë te një tjetër mesfushor i njohur, Alexis Mac Allister.
Trajneri bask beson se argjentinasi është profili i duhur për t’i besuar drejtimin e mesfushës, por transferimi i mundshëm i yllit të Liverpool-it mund të finalizohet vetëm nëse largohet Rodrygo Goes ose klubi madrilen bën ndonjë tjetër shitje madhore.
Sipas mediave spanjolle, drejtuesit e Real Madridit po përgatisin një ofertë fillestare 100 milionë euro për Alexis Mac Allister, edhe pse largimi i tij nga Liverpool duket shumë i vështirë.
Por, drejtuesit e “Los Blancos” besojnë se lojtari mund të joshet nga ideja për të punuar me Xabi Alonso-n si dhe nga mundësia për të qenë pjesë kyçe e një projekti të ri. Strategjia e klubit madrilen është së pari të bindë lojtarin dhe më pas ai të ushtrojë presion ndaj klubit për të bërë të mundur transferimin në Madrid. Jemi ende në fazat fillestare, por Xabi Alonso e ka bërë të qartë që kërkon vetëm një përforcim në mesfushë dhe ai është: Alexis Mac Allister.
