Policia e Vlorës ka vënë nën akuzë dy persona për dy raste të ndryshme mashtrimi. Në rastin e parë, një 64-vjeçar me iniciale Q.Z. akuzohet për përfitim të paligjshëm të një sipërfaqeje toke, duke përdorur dokumente të falsifikuara. Kallëzimi është bërë nga bashkëshortja e tij, N.Z.
Në rastin e dytë, një 54-vjeçar me iniciale I.J., banues në fshatin Radhimë, është kallëzuar për mashtrim nga shtetasi G.N. I.J. dyshohet se i ka kërkuar G.N.-së 1,000 euro kapar si paradhënie për dhënien me qira të një hoteli, por nuk i është kthyer më kjo shumë.
